喜越 (Closed)

今日去銅鑼灣接朋友收工兩個人晚餐都想食越南菜朋友係依頭返工好熟附近介紹左依間喜越一齊食香茅牛油雞翼牛油煎炸上枱熱辣辣 食落好香口雞肉嫩滑 緊緊鎖住肉汁面上灑上炸蒜 濃濃好味道明星咖哩雞配法包雞件嫩滑 薯仔夠綿加上咖哩微甜微辣 法包外皮鬆脆 點上咖哩汁 好出色春卷撈檬春卷外皮炸得鬆脆 卻又唔會太油膩內裡包住肉碎、木耳、蘿蔔等 好味道同香草撈檬伴有蘿蔔絲、青瓜絲、碎花生酸酸地撈檬十分開胃蝦米仔芥蘭苗芥蘭幼嫩爽脆 加上蝦米仔煮鹹中帶點甜 鮮味十足冰糖香茅桂皮茶微甜 淡淡香味好特別波蘿冰 新鮮菠蘿製作 甜味天然加上梳打水 好清新