新龍城茶樓

Open Now

Now Closed

今日（13/5/2020）入西貢前，在牛池灣村1A小巴站附近，有少少肚餓，上Open Rice睇，見有間沒有負評既地茂食店“新龍城茶樓”，便走去試下。茶樓分室內及外，今日唔係好熱，選了室外，感受下大風扇既風。十二點幾坐低，已經過咗早市，點心車只餘下粉果，糯米雞及雞包仔，有少許失望，跟住有個姐姐問想食咩，可以即叫即蒸。點了蝦餃，燒賣，糯米包及煎腸粉。蝦餃無得輸，皮薄餡足，蝦爽口，比得上很多大酒樓。糯米包，好耐無食過，都好好味，包內的糯米，好鬆，沒有死實實，可能即叫即蒸關係。煎腸粉，腸粉幾滑，豉油味濃，唔駛加入醬料都得。燒賣就一般啦。埋單$86，茶錢$3位咋。