1986地道越南餐廳 (東寶大樓)

Open Now

Now Closed

睇住🔸1986🔸短時間內由小店做起, 而家搬咗去大舖喇, 所以就想去試吓有無分別。環境比舊舖舒適嘅, 不過枱與枱之間嘅距離實在太少, 所以會有d 壓迫。🍜 海防蟹膏湯檬粉有2 片扎肉, 2 隻大蝦同2 粒豬肉丸, 扎肉係普通嘅越式扎肉, 大蝦新鮮彈牙, 豬肉丸有驚喜, 我平時好怕食豬肉丸, 覺得有怪味, 不過呢個豬肉丸混合咗冬菇, 唔知係咪手打, 不過好似手打肉丸咁爽口。湯底有濃濃嘅蟹膏味, 好鮮甜, 就咁飲都唔會覺得口乾。美中不足係個檬粉份量好少同好碎濕濕…🥖 越式烤豬肉法包包嘅外皮好脆, 夾住嘅烤豬肉好鬆化, 亦都好入味。份量好充足。🍹 北越椰汁冰咖啡 & 越式奶咖啡比一般咖啡甜, 不過咖啡味香濃, 有越南風味。💭 整體嚟講, 食物同飲品都好好, 不過如果個檬粉唔好咁碎就再好d, 係值得再食嘅。