村上居酒屋 (Closed)

二人餐$480蟹子沙律三文魚油甘魚帶子刺身刺身都切得好厚好大塊，新鮮得來都好有魚香味。葱吞拿魚腩蓉卷中間葱吞拿魚腩蓉嘅份量都算幾多，中間係青瓜小卷，有4個小卷份量都ok。天婦羅盛分別有蝦，冬菇，番薯，茄子同埋南瓜，炸粉好薄，做到外脆內軟，裏面都仲係好多汁，餸汁用嘅蘿蔔蓉一啲都唔吝嗇，好大大一覺。蒜香豚肉腩因為我哋唔食羊扒蘇嘅關係，餐廳幫我地轉咗做豚肉，外圍煎到硬硬地，有少少燶，令到成個香味出晒嚟。而且豚肉嘅肉味好出，豚肉3層好分明，肥瘦適中。清酒煮蜆清酒味都幾濃，鮮肉好沙，而且煮完之後冇縮水得好利害，肉質都仲係鮮甜多汁。日式叉燒烏冬用咗到庭烏冬，好彈牙，細細碗但係似一碗迷你嘅拉面咁，湯底好濃郁，配菜好足。櫻花水玄餅一朵真嘅櫻花係入邊，賣相好精緻。