Video
Read full review
2017-09-24
170 views
在佐敦附近睇完中醫後，就同未婚夫到附近看看有什麼好吃~ 見到呢間咁金黃色嘅潮州舖，實在有別於一般嘅打冷舖，舖面金黃色，再加上好似坐得幾舒服，諗住病下食下蠔仔粥都好，所以就入去坐底咗。話說舖面都真係幾多人，我地上咗樓上雅座，由於第一次嚟真係唔知有乜好食，所以就信咗呢個MENU 啲推介，呢碟有別於一般打冷舖嘅鹵水墨魚，佢個樣真係唔多似有鹵過，不過入口相當爽口，同埋份量都幾多。另一推介嘅係鹵水鵝腸，我能夠睇到嘅應該係有大腸又有小腸~ 哇卡卡，呢個鹵過嘅感覺比較濃，而且有少少鵝酥味，非平時用冰鮮或雪藏貨鹵水味道唔算出。入口爽口而且每條大小均一，女仕一啖放入口都唔算粗獷。呢度比較特別嘅係蠔餅，同平時嘅酥炸蠔餅不同，呢客叫家鄉煎蠔烙，一見到有個烙字，我就知道應該係好薄，來到的確係，不過蛋味比一般蠔餅出，而且無咁熱氣，蠔亦無被炸得失去鮮味，不過魚露又係淡色咗啲，同啲鹵水差不多。另外我叫咗呢度嘅推介菜式「珠菜川椒雞」，本身我無食嗰啲珠菜，感覺好似炸得到乾哂咁，加上川椒雞完全係無乜辣味，原本以為可以刺激一下味蕾，結果係無呢回事，肉質入口都唔算太老，而且入味，只係無預期嘅辣。嚟到今日我最想食嘅蠔仔肉碎粥，
話說舖面都真係幾多人，我地上咗樓上雅座，由於第一次嚟真係唔知有乜好食，所以就信咗呢個MENU 啲推介，呢碟有別於一般打冷舖嘅鹵水墨魚，佢個樣真係唔多似有鹵過，不過入口相當爽口，同埋份量都幾多。
鹵水墨魚
$108
21 views
0 likes
0 comments
另一推介嘅係鹵水鵝腸，我能夠睇到嘅應該係有大腸又有小腸~ 哇卡卡，呢個鹵過嘅感覺比較濃，而且有少少鵝酥味，非平時用冰鮮或雪藏貨鹵水味道唔算出。
入口爽口而且每條大小均一，女仕一啖放入口都唔算粗獷。
呢度比較特別嘅係蠔餅，同平時嘅酥炸蠔餅不同，呢客叫家鄉煎蠔烙，一見到有個烙字，我就知道應該係好薄，來到的確係，不過蛋味比一般蠔餅出，而且無咁熱氣，蠔亦無被炸得失去鮮味，不過魚露又係淡色咗啲，同啲鹵水差不多。
另外我叫咗呢度嘅推介菜式「珠菜川椒雞」，本身我無食嗰啲珠菜，感覺好似炸得到乾哂咁，加上川椒雞完全係無乜辣味，原本以為可以刺激一下味蕾，結果係無呢回事，肉質入口都唔算太老，而且入味，只係無預期嘅辣。
珠菜川椒雞
$88
3 views
0 likes
0 comments
蠔仔肉碎粥
$48
7 views
0 likes
0 comments
入口啖啖有蠔仔伴﹐而且仲有一啲方魚肉係入面，可見廚師都有用心炮製，係成餐飯最值回票價嘅地方。
兩個人打冷食咗4個餸再加一個粥，都係$495，算係咁勒。不過講少少後記，其實服務都幾好，店員都幾肯幫忙，不過有啲幼嫩，啲服務技巧有啲CHOK出嚟嘅感覺，仲有個店員掛住傾偈，叫第二個店員幫我地落單，我覺得都幾搞笑。
Post
