金田家 (Closed)

呢日因為工作關係，所以黎到將軍澳中心搵食。記得好耐之前黎過呢度個商場仲裝修緊，原來而家已經多左甘多食肆。心血來潮想食拉麵，見到金田家有位，環境又好似唔錯，所以就試吓。裡面裝修充滿日本特色，最難得係位與位之間好闊落，因為平時去拉麵店都坐得好迫，呢度就完全冇局促的感覺。點左佢地嘅招牌濃豚骨拉麵，湯底有點奶白色，豬骨味非常濃郁，麵條夠彈牙爽口，恰到好處，叉燒大大塊非常鬆軟又唔會太肥。另外追加了溏心蛋及紫菜，蛋黃啱啱好唔會太熟，流心嘅口感好正，非常推介！小食方面點了大將餃子，皮簿又夠脆，上枱時仲熱辣辣，所以自己一個人都可以K.O.左四件！最後配返個玄米茶，清清喉嚨同腸胃，非常完美的一餐！