金葉軒

Open Now

Now Closed

今日有朋友專程由黃竹坑黎坑口探我，所以我特別帶她到坑口村食泰國菜。首先，我地叫左海南雞飯，泰式炒辣蟹，泰式炒蜆，同椰汁冰。最令我驚喜的是這裡的海南雞飯可以同新加坡某出名海南雞店相比，不但雞肉爽口幼嫩，而且雞肉十分有新鮮雞味道，相信師傅一定係出盡心意去製造。之後，個泰式炒辣蟹更加不用多說，除了蟹肉新鮮，而且份量十足，朋友都話係用大肉蟹炒製，相信用了大量薑同酒烹調，才可將蟹的咸水味弄走，加上大量的青紅椒，完全帶出蟹的鮮味。至於那碟炒蜆更加不用多說，聽侍應講係用大蜆炒製，不同出面用細隻蜆炒製，食落不但有蜆的韌度，還有清甜的海水味，一碟有成十隻大蜆，可說份量充足。最後，極力推薦一定要飲椰汁冰，因為真係用新鮮椰子肉打成，滿口椰香。總括來說，係坑口識食泰國菜一定係來到坑口村金葉軒食，不但價錢適中，而且份量十足，三五知己必定滿肚而走。