Video
Read full review
2020-11-04
1583 views
今日（4/11/2020 2:45pm) 係中大唔趕住走，特登去試吓呢間聞名已久的muji feel 餐廳。真心，聞名不如見面。外觀係靚，其他學生亦食得好開心。但係有 一位 店員的服務質素，令我俾咗錢都食唔落，原封不動，送翻俾佢。我去到嘅時候係2:45pm, 已過咗繁忙時間，我係唯一買緊野既人，嗌咗西京燒雞。當食物準備好嘅時候，我發現成個飯都係比較乾身，我問可唔可以加啲汁⋯此時，那一位服務員就黎料了呢個飯本身係咁我明白，唔可以隨便加其他汁我都明白，我想買多個燒汁鮮菇（類似名，$7配菜），佢都話唔可以，仲告誡我落單之前要諗清楚，落咗單之後就唔可以加野。又話個汁燒鮮菇係冇汁。我自問一直善意有禮貌咁問，點解話唔比後加之餘，仲要加多句說話要我諗清楚？比說話我聽？我得罪你？雖然如此我仍然沉住氣，問下那位店員可唔可以加西京燒雞個盤d汁，佢話我手指申得太近！！！咁大塊玻璃係度隔住話我手指太近？跟住佢再講多左樣野我已經聽唔入耳唔記得佢講咩。年紀大了，受不了氣。食個飯都要受你氣。我冇機會試到個飯乾定唔乾，因為已經食唔落了，我原封不動留翻份餐係到，我仍然保持禮貌咁同佢講我唔食了，但抱歉，個樣一定都好西。如
真心，聞名不如見面。外觀係靚，其他學生亦食得好開心。但係有 一位 店員的服務質素，令我俾咗錢都食唔落，原封不動，送翻俾佢。
我去到嘅時候係2:45pm, 已過咗繁忙時間，我係唯一買緊野既人，嗌咗西京燒雞。當食物準備好嘅時候，我發現成個飯都係比較乾身，我問可唔可以加啲汁⋯
此時，那一位服務員就黎料了
呢個飯本身係咁我明白，唔可以隨便加其他汁我都明白，我想買多個燒汁鮮菇（類似名，$7配菜），佢都話唔可以，仲告誡我落單之前要諗清楚，落咗單之後就唔可以加野。又話個汁燒鮮菇係冇汁。我自問一直善意有禮貌咁問，點解話唔比後加之餘，仲要加多句說話要我諗清楚？比說話我聽？我得罪你？
雖然如此我仍然沉住氣，問下那位店員可唔可以加西京燒雞個盤d汁，佢話我手指申得太近！！！咁大塊玻璃係度隔住話我手指太近？跟住佢再講多左樣野我已經聽唔入耳唔記得佢講咩。
年紀大了，受不了氣。
食個飯都要受你氣。
我冇機會試到個飯乾定唔乾，因為已經食唔落了，我原封不動留翻份餐係到，我仍然保持禮貌咁同佢講我唔食了，但抱歉，個樣一定都好西。
如果店主看到，歡迎與我聯絡，我樂於告訴你是那一位店員替餐廳倒米。
Post