人和月雞煲火鍋店 (Closed)

平時我都唔會寫食評，今次第一次寫，真係差到冇得再差。頭盤第一轉嘅牛係幾靚幾新鮮嘅，之後每一次叫嘅牛，一係就好似牛肉乾咁，塊塊都係正方形，同埋菌哂黑邊積血咁款；一係就肥到好似梅菜扣肉咁。加上每次掃QR code叫嘢食只可以叫四樣嘢，仲要叫完一次要等2分鐘刷新QR code先可以再點下一次。同埋每次叫牛都要等成10分鐘先上到枱，重點係入座頭半個鐘得兩台客都係咁嘅情況，基本上叫唔到幾多次牛食。出面自助吧剩係得好少量嘅丸、牛餐肉、菜，而且最平嗰個餐都要$298，唔通真係要我嚟食丸咩？