明星海鮮酒家

Open Now

Now Closed

標題「垃圾」兩個字，係完完全全畀班員工，事原係週日朝早同埋父母、老婆同埋囡囡去飲早茶，上到去冇人帶位要自己搵，但係所有吉枱都擺住留座，數埋有成十幾張枱係咁，唔緊要，卒之等到一張枱，但喺正佢哋收碗碟嘅地方，砰砰嘭嘭咁，但係我阿媽有一邊耳仔得兩成聽力，不斷砰砰嘭嘭佢會好唔舒服，所以我就再去搵第二張，都係搵唔到，我就同其中一個員工講話「留座嗰啲可唔可以讓一張畀我，我哋好快食完還返張枱畀留座嘅熟客」，但佢竟然答我「嗰啲唔係留畀熟客喎，係員工食飯喎」但每張吉枱位置都係分散，好奇怪，咁我都冇再問，行返去我哋等到嗰張枱，點知我都未坐低，佢好大聲亦好冇禮貌咁同我講「呢度咪有囉，有枱又唔坐！」咁我咪同佢講話「我阿媽耳仔唔舒服，呢度咁嘈會好辛苦，可唔可以幫幫手畀其中一張留座嘅員工飯枱我哋交換？」，佢話「換咩換，你阿媽唔舒服怕嘈，我夠唔舒服怕嘈咯，你阿媽好巴閉呀？有得坐你就坐啦！」就係呢句說話，我卒之忍唔住拍枱，仲要响個囡囡面前講埋粗口罵佢，之後搵佢經理，但佢經理完全唔理當聽唔到，然後我哋都冇辦法唯有走人，真係一個非常差嘅經歷。