Armani / Aqua (Closed)

今日朋友提議去中環 Armani Aqua 食午餐，上次來食午餐已經是幾個月前了、餐廳入口非常有型格、又有氣派、加上食物質素亦唔錯、所以都幾旺場！自己點了一份午餐、包含了頭盤、主菜和飲品！燒烤蝦配黑水橄醬、蝦都幾鮮味又加上了小小燒烤味再配以黑水橄醬提升了蝦的鮮味。低溫烤羊肋排、以低溫慢火烹煮、所有油脂都被迫出，入口一點油膩的感覺都冇、亦沒有羊羶味、只有羊肉鮮味。最後另外點了一份甜品、綠茶意式奶酪配黑芝麻雪糕！奶酪好香滑、綠茶配黑芝麻是絕配、入口軟滑並且混合了綠茶及芝麻味道。食物份量唔多但出品夠精巧、都幾好味道！在中環食一個有質素又有格調的午餐、絕對可以接受。