桔梗 (Closed)

呢間位於旺角砵蘭街嘅「桔梗」地方好大，樓底好高，上面仲有一層閣樓，裝修風格簡約。主打和牛食品，王牌有壽喜燒套餐，日本A4黑毛和牛刺身生雞蛋丼飯，日本A4黑毛和牛三文治🥪好可惜和牛刺身生雞蛋丼飯同黑毛和牛肉燥飯已經賣晒，所點左個Combo Set ， 有迷你和牛肉燥飯同和牛三文治半份。桔梗和牛Combo Set 漬物前菜有車厘茄同醃蘿蔔，酸酸甜甜好開胃👍🏻；和牛三文治包皮焗得好脆，和牛炸到5成熟好鮮嫩，入口口感軟熟，牛味香濃😍；和牛肉燥飯牛肉比較結實，食落似牛柳粒，醬汁香濃，送飯一流，牛味都好香濃😋，糖心蛋就未夠入味，感覺有啲過熟，糖心效果唔夠明顯。台灣牛肉麵🍜牛肉肥瘦適中，牛味香濃，好軟熟，咁樣薄切好易咬開，面身爽口，湯底濃度適中😋雞泡魚乾🐡口感好似魷魚乾咁樣，不過除咗鹹香中帶點魚香味同醬油味，好香脆好惹味，點埋沙律醬食非常夾😆熱·蜜桃綠綠🍵水果香味綠茶，有蜜桃🍑同芒果香，綠茶味相對比較淡整體感覺食物質素都不錯，不過主食嘅選擇太少，可以多啲變化，環境舒適寬敞，地點方便，下次來試吓壽喜燒套餐。