Video
Read full review
2024-11-30
146 views
天氣涼涼哋，最啱就係打邊爐！今次喺天后樓上嘅火鍋店，裝修十分有復古港式情懷，有少少似入咗城寨嘅感覺，播住粵語經典金曲🎶，勁有feel！全部都係圓枱，仲有架可以攞嚟放火鍋配料，而家只要follow佢哋社交平台，仲可享💰1️⃣啤酒優惠🈹，快啲約朋友一齊圍爐打邊爐！------------------------------🍲◖卜卜蜆豬骨煲◗ $238湯底超足料值得一讚，淨係卜卜蜆都有三大碗，豬骨有幾嚿大大嚿，卜卜蜆好肥美鮮甜！煲底嚟咗之後可以先飲湯，有少少胡椒嘅辣，清清地味道鮮甜！🦪◖蘇格蘭蟶子◗ $116🦐◖海中蝦（半份）◗ $88有唔少海鮮選擇，食落肉質緊實鮮甜，海鮮幾新鮮，質素都唔錯🥠◖椒鹽燒賣◗ $68🐂◖椒鹽牛腩粒◗ $98有啲椒鹽小食，相對上比較少見，今次試咗燒賣同牛腩粒，佢椒鹽炸皮有返一定厚度，有少少鹽酥嘅味道，咬落去煙煙韌韌～整體燒賣比較好食，牛腩粒略嫌比椒鹽覆蓋嗰啲牛味～🐂◖清燉牛腩片◗ $198💕◖黑安格斯牛板腱（大）◗ $348牛肉有唔同部位可以揀，手切同埋煮好嘅都有～清燉牛肉片出面打邊爐比較少見，肉質比較瘦，肉味頗出，但口感會相對上比較乾；安格斯牛板腱厚度有返咁上下，簡
------------------------------
🍲◖卜卜蜆豬骨煲◗ $238
湯底超足料值得一讚，淨係卜卜蜆都有三大碗，豬骨有幾嚿大大嚿，卜卜蜆好肥美鮮甜！煲底嚟咗之後可以先飲湯，有少少胡椒嘅辣，清清地味道鮮甜！
🦪◖蘇格蘭蟶子◗ $116
🦐◖海中蝦（半份）◗ $88
有唔少海鮮選擇，食落肉質緊實鮮甜，海鮮幾新鮮，質素都唔錯
🥠◖椒鹽燒賣◗ $68
🐂◖椒鹽牛腩粒◗ $98
有啲椒鹽小食，相對上比較少見，今次試咗燒賣同牛腩粒，佢椒鹽炸皮有返一定厚度，有少少鹽酥嘅味道，咬落去煙煙韌韌～整體燒賣比較好食，牛腩粒略嫌比椒鹽覆蓋嗰啲牛味～
🐂◖清燉牛腩片◗ $198
💕◖黑安格斯牛板腱（大）◗ $348
牛肉有唔同部位可以揀，手切同埋煮好嘅都有～清燉牛肉片出面打邊爐比較少見，肉質比較瘦，肉味頗出，但口感會相對上比較乾；安格斯牛板腱厚度有返咁上下，簡單碌一碌佢，點少少豉油已經好好食，一啲都唔乾柴，牛味超級濃！
🥟◖自家製鮮蝦雲吞x韭菜餃◗ $90
自己加咗$10雙拼佢嘅自家製餃子，一份有八粒，鮮蝦雲吞超好食，皮薄啖啖蝦肉，彈牙爽口；韭菜餃包咗超爆嘅韭菜餡，夠香但食落相對上寡少少～
🧆◖手打五寶丸◗ $98
一次過試晒五隻招牌手打丸：豬肉丸、鯪魚丸 、牛丸、墨魚丸、蝦丸。入面最鍾意佢嘅蝦丸，粒粒蝦肉好足料；牛丸有適量牛油脂，咬落去有爆汁嘅感覺；豬肉丸都幾有驚喜，有肉味而且夠晒彈！
🥬◖唐生菜◗ $42
🥬◖油麥菜◗ $42
打邊爐臨尾梗係要烚返幾個菜，索晒湯入面嘅味道，正！
🍋◖檸檬薏米水◗ $48
有一大jar，薏米水味道唔會好甜，帶少少檸檬嘅清新，啱晒攞嚟清一清油膩
🌟 Encore指数：8.9/10
Post
