Video
Read full review
2020-06-02
206 views
堅尼地城呢個舊城區餐廳就多喇，無論傳統老店定係新派食肆都應有盡有，不過飲料店就出奇地好少🤔。星期日我喺附近食完晏，行到去新興嗰邊就見到呢間新開嘅「品臻Ban Chun Tea」🍵。可能天氣熱嘅關係，加上喺正排隊店隔離，飲料店嘅人龍都幾長👏！飲品選擇好多，包括手作奶茶、品茶、鮮奶、果茶、乳酸、沙冰、3Q氣泡飲等等系列，花多眼亂，店員主動向我哋介紹番，服務唔錯，幾細心呢😊。除咗飲品外，小店仲有雞蛋仔同格仔餅賣，另外亦有芋圓豆腐花甜品🍮。我要咗🍇香檳葡萄3Q氣泡飲($28)，估計3Q應該係指底部嗰啲水果味蒟蒻粒粒。氣泡飲即係梳打？感覺幾解渴😌，我要咗少甜。我朋友要咗海鹽奶蓋炭燒烏龍茶($24)，我試飲咗啖，奶蓋層幾厚，但偏鹹，可能因為落咗海鹽。烏龍茶真係有份炭燒香味🔥！喺店員嘅推介下，我哋加咗一份九份芋圓($28)，價錢唔算貴啊👍！底料係仙草凍或者豆腐花，甜湯頭就揀黑糖或者庶糖，另外仲可以任揀三款配料。我要咗黑糖仙草凍做Base，加咗九份芋圓、椰果同珍珠。整體味道幾夾、幾好味，三色芋圓份量好多，好有咬口🤤。總括嚟講，西環尾又多一間飲品舖嘅選擇喇！行到身水身汗就飲返杯吧，一杯平均$2x就有交易
堅尼地城呢個舊城區餐廳就多喇，無論傳統老店定係新派食肆都應有盡有，不過飲料店就出奇地好少🤔。
星期日我喺附近食完晏，行到去新興嗰邊就見到呢間新開嘅「品臻Ban Chun Tea」🍵。
可能天氣熱嘅關係，加上喺正排隊店隔離，飲料店嘅人龍都幾長👏！
飲品選擇好多，包括手作奶茶、品茶、鮮奶、果茶、乳酸、沙冰、3Q氣泡飲等等系列，花多眼亂，店員主動向我哋介紹番，服務唔錯，幾細心呢😊。
除咗飲品外，小店仲有雞蛋仔同格仔餅賣，另外亦有芋圓豆腐花甜品🍮。
我要咗🍇香檳葡萄3Q氣泡飲($28)，估計3Q應該係指底部嗰啲水果味蒟蒻粒粒。氣泡飲即係梳打？感覺幾解渴😌，我要咗少甜。
我朋友要咗海鹽奶蓋炭燒烏龍茶($24)，我試飲咗啖，奶蓋層幾厚，但偏鹹，可能因為落咗海鹽。烏龍茶真係有份炭燒香味🔥！
喺店員嘅推介下，我哋加咗一份九份芋圓($28)，價錢唔算貴啊👍！底料係仙草凍或者豆腐花，甜湯頭就揀黑糖或者庶糖，另外仲可以任揀三款配料。
九份芋圓
$28
7 views
0 likes
0 comments
總括嚟講，西環尾又多一間飲品舖嘅選擇喇！行到身水身汗就飲返杯吧，一杯平均$2x就有交易✨。
Post
