Video
Read full review
2022-10-01
372 views
放工去咗堅尼地城海旁食飯，附近一帶有好多餐廳，我哋呢日就揀咗日式串燒店「ENSŌ」。我貪佢環境靜靜哋，可以舒舒服服傾偈，放鬆休息一下😉。呢度行居酒屋嘅格局，裝修幾靚🏮，面積唔大，吧枱位可以望住師傅燒串燒；佢另外亦設有包廂房間。樓面主要由一位年輕女店員負責，佢非常忙碌，不過仍能主動關心客人需要，親切有禮。餐廳主打串燒同輕食🍢，主食菜式比較少，而定價則屬中等水平，人均消費三百蚊左右。值得一提嘅係串燒上菜速度頗快，抵讚。自家製免治雞肉棒($54)，免治雞肉棒配上月見蛋汁食好搭調🍳，味道夠晒濃郁。如果雞肉棒加入雞軟骨，口感定必提升。明太子雞柳($38)，🐔雞柳肉質嫩滑，雞肉自身味道無其他肉咁強，所以能突顯明太子醬，微微辛辣但唔搶。安格斯牛柳($68)，🥩牛柳燒得好好，生熟度控制得宜，肉身呈粉紅色，口感軟嫩。牛舌($58)，👅牛舌有一定厚度，口感彈牙，一啲都唔韌，簡單用鹽燒經已唔錯。煙肉荔枝($48)，🥓富鹹香嘅煙肉包裹著甜甜嘅荔枝，形成對比，而煙肉就並無燒到好乾身。鵪鶉蛋($28)，🥚鵪鶉蛋細細隻，好爽口，但得三粒唔太夠喉。阿波尾雞軟骨($42)，🦴呢款雞軟骨係連住少少肉，軟骨較為薄身，似雞胸
放工去咗堅尼地城海旁食飯，附近一帶有好多餐廳，我哋呢日就揀咗日式串燒店「ENSŌ」。我貪佢環境靜靜哋，可以舒舒服服傾偈，放鬆休息一下😉。
呢度行居酒屋嘅格局，裝修幾靚🏮，面積唔大，吧枱位可以望住師傅燒串燒；佢另外亦設有包廂房間。樓面主要由一位年輕女店員負責，佢非常忙碌，不過仍能主動關心客人需要，親切有禮。
餐廳主打串燒同輕食🍢，主食菜式比較少，而定價則屬中等水平，人均消費三百蚊左右。值得一提嘅係串燒上菜速度頗快，抵讚。
自家製免治雞肉棒($54)，免治雞肉棒配上月見蛋汁食好搭調🍳，味道夠晒濃郁。如果雞肉棒加入雞軟骨，口感定必提升。
明太子雞柳($38)，🐔雞柳肉質嫩滑，雞肉自身味道無其他肉咁強，所以能突顯明太子醬，微微辛辣但唔搶。
安格斯牛柳
$68
11 views
0 likes
0 comments
牛舌($58)，👅牛舌有一定厚度，口感彈牙，一啲都唔韌，簡單用鹽燒經已唔錯。
煙肉荔枝($48)，🥓富鹹香嘅煙肉包裹著甜甜嘅荔枝，形成對比，而煙肉就並無燒到好乾身。
鵪鶉蛋($28)，🥚鵪鶉蛋細細隻，好爽口，但得三粒唔太夠喉。
阿波尾雞軟骨
$42
11 views
0 likes
0 comments
牛油粟米($38)，🌽粟米片薄咗燒，食用方便，塗上牛油燒，份外香口。
翠肉瓜
$28
8 views
0 likes
0 comments
醬燒燒豬軟骨($68)，🐷豬軟骨一客有四件，調味偏重，適合配飯食，但略嫌肉質柴咗啲。
炸雞軟骨($48)，呢個係比較常見嘅雞軟骨🐔，呈粒狀，外層酥脆，吱少少檸檬汁食，無得輸。
明太子飯糰($38)，🍙飯糰混入明太子，略帶鹹味。飯糰外層燒至微脆，有啲似飯焦，幾得意。
冷蕎麥麵
$48
12 views
0 likes
0 comments
總括嚟講，呢間日式串燒店嘅出品不俗🎌，估唔到食下食下都幾飽。如果嚟開堅尼地城，想食少少嘢，Chill下，不妨可以考慮幫襯呢度啊。
Post
