Video
Read full review
2023-06-06
51 views
呢日朋友約我出嚟食飯，餐廳係佢揀嘅，佢本身住港島區，所以就想揀返港島呢邊既餐廳，堅尼地城呢邊真係比較少黎，原來都好多餐廳可以揀，朋友揀左呢間可以飲酒嘅餐廳，大家可以傾計順便放鬆一下。餐廳有二人餐（@＄238），非常方便，啱哂我呢啲有選擇困難嘅人，呢度啲菜式非常特別，小食方面，我地揀左薑蓉猶太薯餅，薑蓉就係平時燒味白切雞配嘅薑蓉，估唔到原來配上薯餅都非常適合，薯餅很香口，薯味濃郁，而且薯餅中間切到一絲絲，增加口感。威士忌燒烤炸雞翼燒烤醬帶有甜甜地嘅味道，有少少似水牛城嘅味道，呢個雞翼就冇水牛城的辣，而係得酸酸地口感，幾開胃，而且雞肉非常嫩滑，配上沙律醬，非常清新，另有一番風味。腐乳汁凱撒沙律，其實一向我都唔太特別喜歡吃腐乳，不過呢度嘅腐乳經過廚師嘅調味，同平常的味道有唔同，配上沙律菜覺得好特別，很有驚喜，沙律菜亦很新鮮。二人餐嘅主菜主要都係pizza，而且係handmade sourdough，本身我地都好鍾意食披薩，我地叫左個煙肉芝士漢堡披薩，芝士味香濃，而且沙律醬很多，非常滋味，漢堡切成肉粒，肉味香濃，餡料非常豐富，一啲都唔吝嗇。飲品方面，餐廳主要係tap beer，選擇很多，朋友叫
餐廳有二人餐（@＄238），非常方便，啱哂我呢啲有選擇困難嘅人，呢度啲菜式非常特別，小食方面，我地揀左薑蓉猶太薯餅，薑蓉就係平時燒味白切雞配嘅薑蓉，估唔到原來配上薯餅都非常適合，薯餅很香口，薯味濃郁，而且薯餅中間切到一絲絲，增加口感。
威士忌燒烤炸雞翼
燒烤醬帶有甜甜地嘅味道，有少少似水牛城嘅味道，呢個雞翼就冇水牛城的辣，而係得酸酸地口感，幾開胃，而且雞肉非常嫩滑，配上沙律醬，非常清新，另有一番風味。
腐乳汁凱撒沙律，其實一向我都唔太特別喜歡吃腐乳，不過呢度嘅腐乳經過廚師嘅調味，同平常的味道有唔同，配上沙律菜覺得好特別，很有驚喜，沙律菜亦很新鮮。
二人餐嘅主菜主要都係pizza，而且係handmade sourdough，本身我地都好鍾意食披薩，我地叫左個煙肉芝士漢堡披薩，芝士味香濃，而且沙律醬很多，非常滋味，漢堡切成肉粒，肉味香濃，餡料非常豐富，一啲都唔吝嗇。
飲品方面，餐廳主要係tap beer，選擇很多，朋友叫左啤酒Classic Pale Ale，麥味相對濃郁，喜歡麥味重嘅朋友可以試一試，雖然呢度喺酒吧，不過第日要返工，所以我就揀左無酒精嘅Lemoandae，呢杯就帶有微酸，非常清新。
餐廳本身有搞＄300兩小時free flow，無論係啤酒，house wine，甚至果汁都可以，下次第日唔洗返工，再約朋友黎飲返杯。
Post
