Video
Read full review
2023-06-11
47 views
堅尼地城高質Pizza酒吧🍻呢間餐廳主打Fusion路線,仲有好多款啤酒啊雞尾酒俾你選擇,無酒精飲品都有好多款,總有一款啱心水😊《二人套餐 $238pp》呢個二人套餐幾抵食,每人只係二百幾蚊就包兩款小食,一份Salad,一個Pizza或Pasta同兩杯啤酒,唔飲酒既話仲可以轉無酒精飲品,啤酒當日就有七款選擇,仲可以試完先決定飲邊款👍🏻中意飲酒既朋友仲可以揀佢地個飲品free flow優惠,兩個鐘任飲都只係$300一位,可以任飲五款啤酒,一款梳打,紅白酒,罐裝Higherthan啊Highball啊Soda啊檸檬水同果汁,真係抵到爛!!!《招牌肉丸》呢個招牌肉丸好大粒,真材實料,真係啖啖肉,加埋蕃茄醬令個肉丸更加濕潤,蕃茄醬個味道都唔會太濃,咸淡適中,唔係用岀面個啲茄膏,食得岀係新鮮蕃茄整成,讚👍🏻《威士忌燒烤炸雞翼》呢份雞翼個Barbecue sauce好惹味,外皮炸到少少脆,啲燒烤醬鋪滿晒啲雞翼,味道濃郁又唔會過咸,配埋炸蒜增添口感,旁邊仲配返兩條西芹俾你清下味蕾再食下一道菜😂《腐乳汁凱撒沙律》平時既凱撒沙律就食得多,腐乳汁凱撒沙律就第一次食,冇諗過呢個配撘咁搞笑,估唔到同腐乳又幾夾
《二人套餐 $238pp》
呢個二人套餐幾抵食,每人只係二百幾蚊就包兩款小食,一份Salad,一個Pizza或Pasta同兩杯啤酒,唔飲酒既話仲可以轉無酒精飲品,啤酒當日就有七款選擇,仲可以試完先決定飲邊款👍🏻中意飲酒既朋友仲可以揀佢地個飲品free flow優惠,兩個鐘任飲都只係$300一位,可以任飲五款啤酒,一款梳打,紅白酒,罐裝Higherthan啊Highball啊Soda啊檸檬水同果汁,真係抵到爛!!!
《招牌肉丸》
呢個招牌肉丸好大粒,真材實料,真係啖啖肉,加埋蕃茄醬令個肉丸更加濕潤,蕃茄醬個味道都唔會太濃,咸淡適中,唔係用岀面個啲茄膏,食得岀係新鮮蕃茄整成,讚👍🏻
招牌肉丸
3 views
0 likes
0 comments
《威士忌燒烤炸雞翼》
呢份雞翼個Barbecue sauce好惹味,外皮炸到少少脆,啲燒烤醬鋪滿晒啲雞翼,味道濃郁又唔會過咸,配埋炸蒜增添口感,旁邊仲配返兩條西芹俾你清下味蕾再食下一道菜😂
威士忌燒烤炸雞翼
4 views
0 likes
0 comments
《腐乳汁凱撒沙律》
平時既凱撒沙律就食得多,腐乳汁凱撒沙律就第一次食,冇諗過呢個配撘咁搞笑,估唔到同腐乳又幾夾,而且佢唔係加雞肉係加叉燒😼加左叉燒幾特別,佢啲叉燒粒都算整得唔錯,個人覺得好食過平時既凱撒沙律😂
腐乳汁凱撒沙律
8 views
0 likes
0 comments
《白鬼叉燒薑蓉薄餅》
呢個白鬼叉燒薑蓉Pizza真係必叫!!成件事Fusion得黎又的確幾好食,叉燒薑蓉呢個配搭真係好正,薑蓉味好香,加上個Pizza係用左酸種麵團黎整成,食落個麵團好煙靭,好好食,推薦!👍🏻
白鬼叉燒薑蓉薄餅
17 views
0 likes
0 comments
《任何330毫升啤酒》
呢個二人餐包兩杯啤酒,當日就有七款啤酒選擇,佢啲啤酒係tap beer黎,我地試左其中兩款,Young Master Pil Sner 比較似傳統個啲啤酒,麥味幾香,Black Kite Sunshine Guava Sour呢隻酸啤唔錯,有啲果香味,酸酸地好適合配Pizza啊雞翼呢類,正😏
Tap Beer
8 views
0 likes
0 comments
Alvy's
西環堅尼地城荷蘭街8號地舖
[⭐️5分為滿分]
味道⭐️⭐️⭐️⭐️⭐️
環境⭐️⭐️⭐️⭐️⭐️
服務⭐️⭐️⭐️⭐️⭐️
價錢⭐️⭐️⭐️⭐️
推薦⭐️⭐️⭐️⭐️⭐️
Post
