黃明記粥粉麵家 (Moved) New Location

今晚做24孝，買外賣比老婆大人食。我買左一碗墨丸沾，同一碗紫墨鬚淨食（共$73）。墨丸沾即係墨丸銀針粉，而家好少粉麵店有得食喇，多數都係河粉、麵或米粉。呢度嘅墨丸係混合了豬肉而成，非外面食開嘅純白色，帶有墨魚粒果隻。潮式湯底有加香菜、豬肉碎等等，味道既香且濃，而且銀針粉冇咁易索晒啲湯，我外賣坐車返去都仲keep到個食味。我就口痕叫多碗淨食墨魚鬚加紫菜，墨魚鬚好鮮味，加啲黃明記比嘅辣椒油，不失為我嘅完美宵夜。