Video
Read full review
2019-10-28
189 views
火鍋係我最愛，可以一鑊熟，一路烚下烚下，一路同朋友吹下水，又可以食好嘢。呢幾日涼涼地，意味著火鍋季節到啦(嘥氣啦！一年四季我都照打😂)。最近食左粥底火鍋同埋麻辣火鍋，今次想食特別d嘅(當然食牛係永恆不變😛）。上網搵左呢間，見到有清酒卜卜蜆，又係我好鐘意食既一樣野，唔洗唸，book枱啦。呢家店既位置唔難搵，佢喺金巴利道接近柯士甸路。如果喺美麗華經金巴利道一直向下行，5分鐘內到。不過佢係樓上舖，所以要留意佢個燈箱，顏色鮮艷，遠遠已經見到，去到大廈只要按鈴看更就會開門比你，然後上一層就到啦。佢地好特別，唔同普通餐廳一入去就係擺滿桌椅，佢地係一間間厢房既形式，每間房放1-4張枱。 我地今日坐最大果間房，入面有兩張大圓枱同3張4人枱。我地兩個人都可以坐4人枱，最鐘意咁舒服😍 職員好好，睇得出佢好有心機同客人溝通，閒談間我地叫埋個清酒卜卜蜆鍋，就可以慢慢剔咩餸啦，唔洗唸，牛頸脊一定走唔甩😍 娃娃菜，萵筍，蜂巢豆腐，都係我打邊爐既最愛。另外見好多人推「流心咸蛋猪肉丸」，「即炸響鈴」同埋「紫淮山」，好，叫埋！😋😋😋一遞紙，卜卜蜆來啦，時間拿捏得太好了吧🙈 呢個清酒卜卜蜆係要自己倒酒架喎，水一滾就即刻
上網搵左呢間，見到有清酒卜卜蜆，又係我好鐘意食既一樣野，唔洗唸，book枱啦。
呢家店既位置唔難搵，佢喺金巴利道接近柯士甸路。如果喺美麗華經金巴利道一直向下行，5分鐘內到。不過佢係樓上舖，所以要留意佢個燈箱，顏色鮮艷，遠遠已經見到，去到大廈只要按鈴看更就會開門比你，然後上一層就到啦。
佢地好特別，唔同普通餐廳一入去就係擺滿桌椅，佢地係一間間厢房既形式，每間房放1-4張枱。 我地今日坐最大果間房，入面有兩張大圓枱同3張4人枱。我地兩個人都可以坐4人枱，最鐘意咁舒服😍
職員好好，睇得出佢好有心機同客人溝通，閒談間我地叫埋個清酒卜卜蜆鍋，就可以慢慢剔咩餸啦，唔洗唸，牛頸脊一定走唔甩😍 娃娃菜，萵筍，蜂巢豆腐，都係我打邊爐既最愛。另外見好多人推「流心咸蛋猪肉丸」，「即炸響鈴」同埋「紫淮山」，好，叫埋！😋😋😋
一遞紙，卜卜蜆來啦，時間拿捏得太好了吧🙈 呢個清酒卜卜蜆係要自己倒酒架喎，水一滾就即刻倒，一淋上去，揮發出來既酒味好香，望住d蜆一粒粒張開嘴既時候好得意，呢次真係要同時間鬥快，喺佢老之前要食哂，不過點都好，頭啖湯一定要飲。其實個蜆由生煮到熟加埋酒只係幾分鐘，咁短時間，個湯已經好鮮，清酒煮熱左加埋卜卜蜆既鮮味變得超鮮甜，本來一匙羹一匙羹咁飲，後來係一碗碗飲囉😂 飲到幾乎見底我地就加湯準備打邊爐。
2 views
0 likes
0 comments
主角二號（牛頸脊）：脂肪分布平均，色水新鮮，而且砌得厚薄適中，烚佢10秒左右，唔洗點醬汁就咁食，一咬落去有小小牛油從小肥膏爆出，好香牛味，肉質鮮嫩，夠滑。
1 views
0 likes
0 comments
1 views
0 likes
0 comments
流心咸蛋猪肉丸： 呢個重口味小小既要食先，一陣太飽應該食唔落🤣 但原來我唸太多，佢一d都唔漏，以為有咸蛋實咸，但出奇地佢啱啱好，猪肉好嫩，吾「鞋」。
4 views
0 likes
0 comments
即炸響鈴：未擺上枱已經聞到香味，啱啱炸起，熱辣辣仲出緊煙，浸3秒，香軟內脆，仲要索d鮮湯底，👍
0 views
0 likes
0 comments
紫淮山：幾特別，健康食品，新鮮又好味。
1 views
0 likes
0 comments
娃娃菜&蜂巢豆腐：個人好鐘意食，又係索湯汁系列，只要湯底好味，呢d都係必叫😋
0 views
0 likes
0 comments
2 views
0 likes
0 comments
萵荀：鐘意佢夠爽，又新鮮。
3 views
0 likes
0 comments
平時出街打邊爐叫菜，緊有d係爛既要㨂出來，但呢間比我既感覺好好，所有蔬菜🥬都好新鮮好靚。員工好有禮貌而且好細心，覺得佢地好有heart。
Post
