翹壽司味工房 (Closed)

昨晩提早慶祝母親節，因媽咪喜歡食日本菜，所以選址嚟咗呢度食。地方其實偏細，成個場一眼已經能夠望得晒，座無墟席，所以亦較為嘈吵。人多點咗好多嘢食，有壽司卷物及刺身、串燒雞翼、雞腎及雞軟骨、雜錦天婦羅、冷稻庭烏冬、和牛炒飯、芝士焗生蠔等。壽司卷物及刺身幾好，刺身算新鮮，壽司卷物有綽頭，改名為“唔知點卷”、“掂卷”等，有新鮮感又幾好味，可惜其他食物好一般，尤其是和牛炒飯，真係後悔柯打咗。價錢其實唔算平，但亦唔算貴，七個人埋單$1330。最後老闆每人送我哋一客雪糕，有芝麻、豆腐、柚子雪葩、蕃薯等，試勻晒款款味道都好正。