復興粥品

Open Now

Now Closed

今日中午口淡淡，吾想食太多嘢，所以去咗復興粥品叫咗油炸鬼，同埋皮蛋艇仔粥食， 個粥真係好多料，又多碎牛，又多豬皮，又多鱿魚 ，而且又有花生加埋皮蛋，真係好好味。佢哋個油炸鬼好香脆，可能因為係即場炸嘅關係，所以比起其他舖頭嗰啲好似特別香特別脆，我之前試過牛脷酥都記得好好味，因為呢度如果你就咁叫一個艇仔粥23蚊，加皮蛋都係畀多兩蚊，但係佢差唔多有成隻皮蛋嘅份量喺入面。所以我覺得一定要叫雙拼粥會抵啲。其實復興仲有生滾粥，有好多料選擇，譬如及底粥，蝦球粥，斑球粥等等，不過我就比較少叫生滾粥，另外仲有腸粉，佢入面嘅腸粉係即叫即拉但我今次因為一個人食，所以就冇叫腸粉。