貴族甜品 (元州街)

Open Now

Now Closed

天氣熱辣辣，晚飯後當然要食糖水消暑下。長沙灣都有好幾間甜品店，最後揀左貴族，點解呢，因為店面大d, menu內多選擇。個menu色彩繽紛，款式又多，真係琳琅滿目。星期六日會有好多人等位，我今次平日去，一去就有位。一入店內，充滿香噴噴嘅窩夫味，不過剛吃飽，就唔食窩夫咁飽肚。我地叫左宇治金時同伊甸園。宇治金時係抹茶冰，有練奶，丸子，紅豆。丸子份量好重手，而碎冰加上練奶，絕配，而且唔太甜，咩暑氣都消哂。佢唔係棉花冰黎，仲岩我，我就最愛碎冰。伊甸園係花奶加珍珠丸子椰果龍眼肉，我比較唔喜歡呢個，太多不同配料，口感太複雜，而且太甜，唔夠消暑，無透心涼嘅感覺。不過優點都係份量好足夠。埋單$67， 呢個價錢喺mk/ tst只點到一個，太抵。