御品·千之味 (Eastmark)

Open Now

Now Closed

又黎到呢間壽司店 今次食九龍灣分店水準一樣係好高阿有時唔想夜晚食住家飯 食下外賣真係幾開心🤩 🍴人氣壽司拼盤A $108呢個set我稱佢為小朋友set🤣有玉子 蟹棒 鰻魚 腐皮壽司 同吉列炸蝦卷全部熟食 啱晒小朋友阿 🍴火炙壽司冷麵餐 $85火炙三文魚 火炙三文魚腩 火炙左口魚 火炙鰻魚 火炙熟蝦火炙壽司又香又惹味我最鐘意火炙三文魚腩 油脂香入口幼滑冷麵係跟胡麻醬 份量好多好足夠👍 🍴壽司手打烏冬套餐 $88三文魚 北寄貝 白身魚 蟹籽 芥末八爪魚件件壽司望落都好有光澤 新鮮！烏冬係手打烏冬 有咬口湯係另上 我自己加左胡麻醬變撈烏冬都好好食！呢度除左外賣都可以堂食架，下次約埋朋友黎食先😋。