Video
Read full review
2023-05-27
553 views
次次經過呢層都勁想試呢間餐廳，今日同媽媽撐枱腳，佢話要扮後生叫我帶佢去食啲打卡嘅餐廳，第一時間就諗起試呢一間！雖然喺正中間半開放位置，但係成個環境都好舒服，木系清新嘅設計，仲有啲小植物圍繞着，營造出田園風格👉🏼濟州柑橘🍊乳酪 $68酸酸甜甜嘅乳酪幾好飲，每一啖都有柑橘嘅味道👉🏼熱飄浮棉花糖朱古力咖啡 $52一飲入口係好滿足嘅肥仔朱古力🍫，朱古力同咖啡嘅濃度都高，仲有粒棉花糖，邪惡👿👉🏼南瓜🎃芝士沙律 $72南瓜入口可以再軟糯啲，粒狀嘅芝士，幾鐘意佢嘅醬，好似有啲蜜糖🍯味🧐，如果多少少醬，或者有一杯仔比人自己加會仲好👉🏼韓國蜆肉紫蘇飯 $118唔好以為鋪平咗好少飯，呢碟飯夠晒我哋兩個食，味道少少甜辣，仲拌入咗我好鐘意既紫蘇葉，好香芝麻油味，會忍唔住一啖接一啖。反而蜆肉比較鹹，一定要撈埋飯一齊食先得，下次可以試下燒黑毛豬個款👉🏼蜂巢無花果窩夫🧇 $188比我想像中好食！近排要減磅嘅我諗住淨係食一啖，點知停唔到口，無花果醬有淡淡蜜糖嘅香味，加埋軟滑唔太甜嘅忌廉，外脆內鬆軟、有蛋香嘅窩夫，好食過好多甜品鋪呢間餐廳嘅飲品、咸食、甜品都唔錯，最衰就係全部都要單叫，無 lunch set 或者下午茶
雖然喺正中間半開放位置，但係成個環境都好舒服，木系清新嘅設計，仲有啲小植物圍繞着，營造出田園風格
👉🏼濟州柑橘🍊乳酪 $68
酸酸甜甜嘅乳酪幾好飲，每一啖都有柑橘嘅味道
👉🏼熱飄浮棉花糖朱古力咖啡 $52
一飲入口係好滿足嘅肥仔朱古力🍫，朱古力同咖啡嘅濃度都高，仲有粒棉花糖，邪惡👿
👉🏼南瓜🎃芝士沙律 $72
南瓜入口可以再軟糯啲，粒狀嘅芝士，幾鐘意佢嘅醬，好似有啲蜜糖🍯味🧐，如果多少少醬，或者有一杯仔比人自己加會仲好
👉🏼韓國蜆肉紫蘇飯 $118
唔好以為鋪平咗好少飯，呢碟飯夠晒我哋兩個食，味道少少甜辣，仲拌入咗我好鐘意既紫蘇葉，好香芝麻油味，會忍唔住一啖接一啖。反而蜆肉比較鹹，一定要撈埋飯一齊食先得，下次可以試下燒黑毛豬個款
👉🏼蜂巢無花果窩夫🧇 $188
比我想像中好食！近排要減磅嘅我諗住淨係食一啖，點知停唔到口，無花果醬有淡淡蜜糖嘅香味，加埋軟滑唔太甜嘅忌廉，外脆內鬆軟、有蛋香嘅窩夫，好食過好多甜品鋪
呢間餐廳嘅飲品、咸食、甜品都唔錯，最衰就係全部都要單叫，無 lunch set 或者下午茶。不過都可以encore！
Post
