牛摩 (Closed)

☃️天寒地凍最好就梗係打邊爐啦！限聚令再加上疫情...最好都係喺屋企嘆外賣火鍋就最安心啦！今次試咗外賣火鍋專門店牛摩既節日版火鍋！牛摩出名所有牛肉當日即刨，唔會刨定雪過夜，所以肉質特別新鮮美味，身為牛魔王嘅我點可以錯過先！🤩呢個港式封門柳大滿足套餐好豐富，有靚牛肉又有鮑魚，兩至三人份量都只係$358，每人$120有找就食到以下嘅美食啦！真係性價比超高😋⭐️ 日式加州反卷開爐期間嘅前菜！食住等湯滾就冇咁肚餓啦！⭐️日式磯煮鮑魚名貴嘅鮑魚煮返熱就可以食！鮑魚好入味又彈牙而且都幾大隻，一人一隻回晒本，好滿足呀！❤️⭐️封門柳牛肉我都係第一次食牛嘅呢個部位，牛肉味好濃，肉質柔軟而油份少，每隻牛只得一斤咋！係好矜貴嘅部位！⭐️特級牛肉美國肥牛從來都係人見人愛而且打邊爐必備！份量都好多添！⭐️雞肉無骨嘅雞脾肉，大大件又滑彈牙！⭐豚肉勁薄切，淥兩淥就食得！⭐️火鍋配料拼盤裏面有牛丸、魚蛋、芝士腸，仲有小朋友勁鍾意個板燒牛摩魚糕, 因為有牛摩可愛圖案，仲有芝士竹輪、芝士海鮮豆腐，啱晒我屋企兩個芝士小魔王🧀蔬菜方面有蘿蔔、南瓜、金菇冬菇同埋大量嘅娃娃菜、生菜，好健康！P.S 套餐之外仲可以另外追加其他食物㗎，我就追加咗