丸亀製麵 (悅來坊)

Open Now

Now Closed

丸龜製麵喺正屋企樓下，但平時比較少食，因為價錢偏貴，性價比唔算高，但遇上foodpanda做promote就成件事唔同曬。今晚叫咗個溫泉蛋明太子拌烏冬套餐，辣辣地嘅明太子醬加埋鰹魚汁，烏冬麵亦都係煙煙韌韌，成個組合係好奇妙，套餐包一個小食同飲品，我哋揀咗炸魷魚鬚同日本茉莉茶，另外再可以特價追加一串炸雞。第二個烏冬唔係餐，係散叫嘅蕃茄牛肉烏冬，由於好鍾意食炸魷魚鬚，就額外叫多一份。適逢foodpanda十週年做特價，指定餐廳有半價，丸龜係其中之一，再用埋一張外賣自取六折優惠券，以上咁多嘢總數只係69蚊！啲嘢食攞到返屋企仲係好熱，尤其炸雞同炸魷魚鬚，竟然又熱又脆，呢個真係驚喜。