必勝客

Open Now

Now Closed

同事係Pizza Hut會員，佢七月生日🎊，月尾先發現有啲生日優惠卷仲未用，所以呢日午餐就決定喺度搞掂。餐廳環境其實好闊落嘅，不過呢個時世可以的話都係買外賣好啲。堂食同外賣餐牌唔同，但門口只放咗堂食午市餐牌😅。要量完體溫入到餐廳，店員知你買外賣，先有外賣餐牌睇...。我建議放返一個喺門口好啲🙏🏻。點完餐後大約等15分鐘就有得拎，食物熱辣辣焗出嚟，店員禮貌OK，整體服務算唔錯👍。由於我唔鍾意食Pizza🍕，所以我哋叫咗兩個一人意粉餐，再追加咗份小食。依個份量足夠二人開P，即係夠食有突，非常豐富🤤。J6.海鮮寬條麵($67)，我記得細細個嗰陣食好正，但奈何之後再幫襯覺得好貴，唔捨得食。外賣好似平啲，哈哈。寬條麵上面鋪咗大量海鮮，包括蜆肉、🦐蝦肉、蟹柳、魚肉同🦑魷魚等，勁足料。醬汁係蒜蓉牛油白汁，頗Creamy同惹味的。J7. 千層肉醬闊麵($67)，估唔到外賣千層麵個賣相都幾好，本身驚真係會好似堆肉醬咁混埋一齊🍝。千層麵外圍加配咗啲薯蓉🥔，肉醬層就釀滿喺闊麵中間，份量恰到好處，味道亦唔會過酸。題外話，肉醬係混合牛肉同豬肉的。依款Pasta比較飽肚，啱男仔食。個人餐跟配嘅指定小食係一件芝士肉