Cocina 3 Tapas Restaurant & Bar (Closed)

疫情嚴峻，最近都係外賣留喺屋企食，盡量減少外出。早前經過奧海城見到呢間餐廳好吸引，門口仲有抗疫餐牌。原來有「外賣直送」仲有85折，今日一於試一試。先講一下，外賣好快速就送到屋企，食嘅時候依然熱辣辣，外面酷熱天氣，飲品入面嘅冰依然未溶👍🏻揀咗個2人餐都唔洗二百蚊，抵食到呢...有哂主菜．沙律．餐湯．水煮蛋．奄列．飲品。真心想推介一下「西班牙奄列」第一次食，有驚喜，又多料。切開入面好多料，唔會煎到好乾，入口Juicy。同平日食開嘅式奄列，完全唔同，好味😋肉醬千層麵，份量都幾多，佈滿香濃肉醬，正👍🏻沙律菜入口咬落索索聲，好Fresh，超正。總括今餐食物好新鮮，送貨快速貼心，外賣嘅最佳選擇。疫情過後一定要堂食，試多d 其他菜式。