Video
Read full review
2021-08-10
527 views
🍽 楚撚記大排檔土瓜灣馬頭圍道187號地下2及4號舖荃灣川龍街118號百悅坊地下-1樓西環石塘咀皇后大道西554-560號日富里百好大廈地下1號舖🐽 楚撚記-超水準的良心大排檔💛今次叫左外賣返屋企食，本來以為外賣用膠盒焗住，味道一定會受到影響，殊不知食落依然都係熱辣辣，口感唔會焗到霉爛，每一款菜式都係水準之作，最重要嘅係呢度每一樣菜式都好有鑊氣！呢個係食大排檔必備嘅🤩楚撚記小炒王 $88 (🧡🧡🧡🧡) 豬豬偵探其實唔太鍾意食小炒王，覺得小炒王食落好乾，冇咩特別。楚撚記嘅小炒王食落又唔反感喎，甚至一啖一啖有啲上癮，成道菜充滿鑊氣，魚仔同埋腰果食落去都好香脆，韭菜充滿咗蝦乾同埋XO醬嘅鹹香味，雖然🐽偵探唔飲酒，但都覺得飲酒食會好正。鮑粒海皇福建炒飯 $75 (🧡🧡🧡🤍) 外賣會將汁同飯分開，啲飯唔會浸到霖晒，蛋炒飯粒粒分明，又唔會太乾身。除左冬菇、瑤柱、蝦肉、菜等，仲加咗鮑粒😍食落啖啖都有配料🤤菠蘿生炒骨 $76 (🧡🧡🧡🤍) 每次去大排檔一定會叫嘅仲有酸酸甜甜嘅生炒骨😍生炒骨用的豬肉肥瘦適中，裏粉不會太厚。另一個重點就係生炒骨入面嘅菠蘿！楚撚記用咗菠蘿同埋蜜桃去炒，我自己就覺得菠蘿
土瓜灣馬頭圍道187號地下2及4號舖
荃灣川龍街118號百悅坊地下-1樓
西環石塘咀皇后大道西554-560號日富里百好大廈地下1號舖
🐽 楚撚記-超水準的良心大排檔💛今次叫左外賣返屋企食，本來以為外賣用膠盒焗住，味道一定會受到影響，殊不知食落依然都係熱辣辣，口感唔會焗到霉爛，每一款菜式都係水準之作，最重要嘅係呢度每一樣菜式都好有鑊氣！呢個係食大排檔必備嘅🤩
楚撚記小炒王 $88 (🧡🧡🧡🧡)
豬豬偵探其實唔太鍾意食小炒王，覺得小炒王食落好乾，冇咩特別。楚撚記嘅小炒王食落又唔反感喎，甚至一啖一啖有啲上癮，成道菜充滿鑊氣，魚仔同埋腰果食落去都好香脆，韭菜充滿咗蝦乾同埋XO醬嘅鹹香味，雖然🐽偵探唔飲酒，但都覺得飲酒食會好正。
鮑粒海皇福建炒飯 $75 (🧡🧡🧡🤍)
外賣會將汁同飯分開，啲飯唔會浸到霖晒，蛋炒飯粒粒分明，又唔會太乾身。除左冬菇、瑤柱、蝦肉、菜等，仲加咗鮑粒😍食落啖啖都有配料🤤
菠蘿生炒骨 $76 (🧡🧡🧡🤍)
每次去大排檔一定會叫嘅仲有酸酸甜甜嘅生炒骨😍生炒骨用的豬肉肥瘦適中，裏粉不會太厚。另一個重點就係生炒骨入面嘅菠蘿！楚撚記用咗菠蘿同埋蜜桃去炒，我自己就覺得菠蘿味道太酸，有少少扣分。
豆漿杞子鮮腐竹浸時蔬 $74 （🧡🧡🧡🧡）
豆漿味湯底超級香濃時蔬用的是娃娃菜，娃娃菜煮得夠入味，吸收了濃濃的豆乳味😋感覺好溫和養生。
贈送 番薯糖水 （🧡🧡🧡🧡）
呢個番薯糖水係全餐入面最有驚喜🤣通常送嘅番薯糖水味道都會好淡，但係楚撚記嘅番薯糖水用左超多薑！滿滿都係薑的香辣味，入面仲有好多舊番薯🤣食到你唔想食。
（5分滿分，🤍=0.5分）
環境 ：不適用
價錢：🧡🧡🧡🤍
味道：🧡🧡🧡🤍
抵食指數：🧡🧡🧡🤍
Post
