一浪

Open Now

Now Closed

🥪一浪總匯吐司 $78最鐘意呢啲漲卜卜嘅三文治!餡料有雞腿肉 炒蛋 同埋青瓜番茄椰菜絲雞腿肉頭厚尾薄xD 連雞皮同少少肥膏簡單用鹽醃過 味道淡但都幾香炒蛋超超超厚 比出名嘅澳牛厚蛋治更厚雖然未去到滑捋捋但唔會乾保留到啲蛋汁所以就算雞腿肉有啲位薄啲都好有滿足一份切成兩半 兩塊包夾著雞腿肉同炒蛋另外兩塊夾著啲菜 最出面兩塊搽咗蜜糖味道香甜 諗起韓國isaac toast🥲中間嗰塊就搽咗無顆粒嘅花生醬 可能因為每層包都搽咗醬所以比較容易淋好在麵包連皮帶翻啲煙韌青瓜番茄椰菜絲份量多多 解咗油膩感番茄有大塊有細塊 最緊要塊塊都好juicy青瓜切成粗條 新鮮爽脆唔會有苦澀味因為配料多多所以三文治都幾大份絕對無可能一啖得哂🤣我食到成枱麵包碎。