滿屋日本料理 (大鴻輝(荃灣)中心) (Closed)

呢間日式放題已經係荃灣開咗好多年，適逢朋友生日想食任食，今次到訪發現佢已經轉咗新嘅餐牌，分ABCD餐，今次我哋就揀咗B餐try try佢。 放題最緊要都係啲魚生🐟，呢到提供嘅刺身同壽司🍣種類繁多，比你盡情選擇，當中包括三文魚、拖羅、油甘魚、希靈魚、生蝦🦐、帶子等等，食落都算新鮮，稍嫌壽司啲飯量🍚有啲多，如果可以少返啲就好啦，而天婦羅炸物🍤都炸得香脆可口，水準以上。 呢到亦提供各式各樣嘅熟食，例如榴槤炸彈🧆、芝麻雞翼🍗、吉列蠔🦪同羊架🍢等等，舊榴槤炸彈唔會好多粉，炸得啱啱好，食落啖啖榴槤香，encore😂咗呢款熟食好多次。 飲品🧃甜品🍰種類亦好豐富，你總可以搵到啱你嘅選擇，另外出面嘅自助吧亦有唔同嘅冷盤小菜🥗同熱食。整體嚟講食物選擇豐富，而且上菜速度算快👍，都幾啱同一大班fd聚舊坐係度慢慢食。