鋾鋾星林居

Open Now

Now Closed

星林居，食咗好多年，最早都係食金馬倫道三樓嗰間居多，樂道呢間就近公司方便d。早幾年味道都幾好，偶有發揮不正常嘅時候，但都過得去！但我想講近呢年幾去咗差唔多五六次，冇一次食到正常水準，今次更加令人激氣呀！首先一入到去嗰阿姐就鬼咁串講嘢，三個人逐個落單都唔得，串住叫我哋全部人揀好先落單，OK，我哋照做！我剔咗中辣非常酸+米線煮久，落單後2分鐘有野食，仲驚訝咁高效，結果筷子撩咗一條米線就知瀨嘢，好硬…即刻叫人煮過，等咗一陣先有個男伙計走來問乜事，之後拎返入廚房重新煮過，但煮完後所有配料腐竹都淋嗮😤此時先食嗰味道，我話過嗌咗「非常酸」但今次又係同之前幾次一樣係冇酸味嘅…無奈將就自己加d醋求其食啲算！兩個frd嗰碗就畀錯料，其中一個frd嗌咗豆卜，但d豆卜係冇煮過嘅又干又硬… 嗰環境係好逼唔使講，門口部冷氣又冇開到喎⋯⋯我哋就咁吹著風扇嘅熱風食到周身汗…連續幾次嗌親d嘢煮出來都唔啱，真係唔知佢哋搞緊乜！？係覺得自己太好生意定唔想做呢？！開得門做生意應該對食客負責呢啲基本嘢喇！今時今日仲咁串（西）嘅態度，講真影衰香港飲食業！大佬我下次寧願食隔離兩餸飯都絕對唔會再幫襯喇！