Video
Read full review
2023-11-06
75 views
呢間嘅銅鑼灣店我已經食過幾次，質素都好有保證，原來佢哋係尖沙咀開左分店，雖然位置有啲隔涉，但係空間比起銅鑼灣店大好多～🍽食物👍🏻微辣豬肋骨鍋 $350 7.5/10即叫即整，等左大約半個鐘終於上菜～份量大到嚇死人😂 仲有手掌咁大塊豬肋骨，係泰國火山排骨個種ribs，湯底濃郁，真係微辣！唔食得辣嘅朋友仔都可以試吓～除左主角豬肋骨，仲有年糕，薯仔同大量蔬菜～營養夠均衡，煮到入晒味～建議多人一齊share，兩個人食真係飽到反肚🤣如果食到最後可以加個烏冬或者公仔麵就好😋👍🏻牛肉紫菜包飯 $65 7/10紫菜包飯好足料！我最中意佢加左紫蘇葉一齊包，咬落去除左食到蔬菜嘅爽脆同牛肉嘅甜，仲有紫蘇葉獨特嘅香氣～出面都好少食到加左紫蘇葉嘅紫菜包飯✨甜辣炸雞＋香腸年糕串（半份） $140 8/10炸雞炸皮唔會太厚，或者硬到介損咀，舊舊都啖啖肉，咬開仲有肉汁流出嚟，甜辣醬都好惹味，腸仔年糕串輕微煎過，年糕好煙韌，同甜辣醬好夾！👍🏻Blueberry Ricewine $93 7.5/10米酒味唔算太重，甜甜哋好易入口～👍🏻Tangerine Ade $56 7/10有原粒橙插係支飲筒上面好eye catch
🍽食物
👍🏻微辣豬肋骨鍋 $350 7.5/10
即叫即整，等左大約半個鐘終於上菜～份量大到嚇死人😂 仲有手掌咁大塊豬肋骨，係泰國火山排骨個種ribs，湯底濃郁，真係微辣！唔食得辣嘅朋友仔都可以試吓～除左主角豬肋骨，仲有年糕，薯仔同大量蔬菜～營養夠均衡，煮到入晒味～建議多人一齊share，兩個人食真係飽到反肚🤣如果食到最後可以加個烏冬或者公仔麵就好😋
👍🏻牛肉紫菜包飯 $65 7/10
紫菜包飯好足料！我最中意佢加左紫蘇葉一齊包，咬落去除左食到蔬菜嘅爽脆同牛肉嘅甜，仲有紫蘇葉獨特嘅香氣～出面都好少食到加左紫蘇葉嘅紫菜包飯
✨甜辣炸雞＋香腸年糕串（半份） $140 8/10
炸雞炸皮唔會太厚，或者硬到介損咀，舊舊都啖啖肉，咬開仲有肉汁流出嚟，甜辣醬都好惹味，腸仔年糕串輕微煎過，年糕好煙韌，同甜辣醬好夾！
👍🏻Blueberry Ricewine $93 7.5/10
米酒味唔算太重，甜甜哋好易入口～
👍🏻Tangerine Ade $56 7/10
有原粒橙插係支飲筒上面好eye catching🤣 味道好清新，唔算太甜～
同埋我哋一坐低就已經有幾款前菜，菜式都幾特別，有魚糕同腸仔～味道都唔錯～
⛩環境
👍🏻兩個舖位嘅風格好唔同，一邊係還原左韓國街頭布帳馬車，另一邊係型格工業風，都好有特色
💁🏼♀️服務
👍🏻店員有禮貌
👛人均消費 ~$380(連加一服務費)
⏱冇限時
Post
