榕易燒泰式串燒專門店 (Closed)

呢間串燒店係觀塘都幾出名，因為串燒多花款，而且係觀塘少有嘅串燒店。一邊飲酒一邊食串燒都幾正。環境開揚，係露天地方或者室內都有位。一口日本甜薯：好甜好香，一啖食落口岩岩好，唔覺唔覺就會食好多。柚子沙律：好多柚子肉，加埋菜，好juicy燒茄子：燒得好出色，配料好香，好有風味，啲肉可以一梳梳咁撕出來，好軟熟。燒帶子：好大粒的帶子，雖然價錢小貴，不過好多汁彈牙，加埋粉絲同蒜，索晒啲汁原汁原味咁食！燒蝦：隻隻都好大隻新鮮，一份有4隻都算可以，上面灑小小鹽已經好入味。