緣聚鮮鍋 (Closed)

荃灣除咗路德圍係大家熟知嘅美食天地之外，大鴻輝成幢大廈都聚集咗好多食肆，搵嘢嚟呢度就冇錯緣聚鮮鍋位置好就腳，一入大鴻輝上兩層電梯就到，繁忙時段唔使排隊搭lift上其他樓層，以前真係試過排隊排成個鐘等搭lift今次揀咗5:30後入座雞煲+牛板腱+海鮮火鍋放題任飲任食120分鐘$268/1位呢個餐加$20就可以先食雞煲後打邊爐，不過根據上次經驗，個雞煲真係超級大個，食完個雞煲已經食唔落其他嘢，所以今次直接打邊爐，留返個肚試其他食物➺壽喜燒湯底淥浸過嘅食物有陣清清甜甜嘅味道，點埋醬汁食好好味➺部份食物要用QR code落單海鮮：蠔、扇貝、海蝦、脘魚片炸物：黃金炸饅頭、榴槤炸彈、酥炸鯪魚球肉類：牛板腱、牛肩胛、封門柳、極上黑豚肉種類真係好多，上枱速度極快，炸物整得幾出色，又香又脆！➺出面食物corner嘅食物種類應有盡有餐前小食：炸雞塊、洋蔥圏、魚皮、薯仔、涼食……打邊爐基本配料、菜類、雪糕種類全部十幾種，飲品裝滿六、七個雪櫃，仲有熟食、糖水、啫喱、diy雪糕，連梅酒都有！蜆同蒜蓉蝦好入味，芝士年糕夾心丸煙韌有驚喜，蔬菜幾新鮮，飲品種類同牌子真係好多！椰汁、冬瓜茶、乳酸等等真係唔係度度有！