Video
Read full review
2022-09-12
44 views
💕小麻吉小店鋪仔細細，餐牌選擇卻相當豐富✔️猶如迷你版嘅台灣夜市🗺熱門小食都可以一站式食到，仲有必食嘅滷肉飯、滷肉湯麵🍜甚至熱辣辣嘅石鍋飯都有🤤.🌈大滿足定食 $78以傳統滷肉飯為基礎，加上花椒嘅麻辣食落更惹味🌶自選配料揀咗鹽酥雞，鹹香之中外皮酥酥脆脆，配飯或者做小食都唔錯🫶🏽另外仲有麻辣鴨血、台灣小香腸、涼拌小黃瓜，一個套餐可以食到幾款經典小食，果然係大滿足🥰.🌈玉子經典鍋燒麵 $75同樣係配料豐富，配料有玉子、甜不辣、餃子、炸蝦棒、生菜🥬花枝丸，配上酸酸甜甜蕃茄濃湯🍅感覺豐富當中最鍾意煙煙韌韌嘅甜不辣，好有口感，玉子亦有心思地印上店名，誠意滿滿🥰鍋燒麵唔係得個名，真係熱辣辣咁上枱，慢慢食都keep到溫度，食到尾聲個湯依然係熱熱哋，呢方面好加分👍🏽.🌈肉燥淋青菜 $20肉燥令平凡嘅生菜🥬生色不少，份量亦俾得慷慨，有食菜至係完滿嘅一餐🧡.🌈珍珠奶茶食台灣菜嘅重點一定係珍奶🤣佢哋嘅珍奶幾有茶香奶香並重，感覺正宗👍🏽.🌈蜂蜜綠茶+珍珠手搖嘅蜂蜜綠茶甜度適中，清新解渴，加埋最愛嘅珍珠，大大杯啱晒大熱天氣飲🫶🏽.值得一讚小店嘅服務非常親切，感受到同台灣一樣濃厚嘅人情味🧡
小店鋪仔細細，餐牌選擇卻相當豐富✔️
猶如迷你版嘅台灣夜市🗺熱門小食都可以一站式食到，仲有必食嘅滷肉飯、滷肉湯麵🍜甚至熱辣辣嘅石鍋飯都有🤤
.
🌈大滿足定食 $78
以傳統滷肉飯為基礎，加上花椒嘅麻辣食落更惹味🌶自選配料揀咗鹽酥雞，鹹香之中外皮酥酥脆脆，配飯或者做小食都唔錯🫶🏽
另外仲有麻辣鴨血、台灣小香腸、涼拌小黃瓜，一個套餐可以食到幾款經典小食，果然係大滿足🥰
.
🌈玉子經典鍋燒麵 $75
同樣係配料豐富，配料有玉子、甜不辣、餃子、炸蝦棒、生菜🥬花枝丸，配上酸酸甜甜蕃茄濃湯🍅感覺豐富
當中最鍾意煙煙韌韌嘅甜不辣，好有口感，玉子亦有心思地印上店名，誠意滿滿🥰
鍋燒麵唔係得個名，真係熱辣辣咁上枱，慢慢食都keep到溫度，食到尾聲個湯依然係熱熱哋，呢方面好加分👍🏽
.
🌈肉燥淋青菜 $20
肉燥令平凡嘅生菜🥬生色不少，份量亦俾得慷慨，有食菜至係完滿嘅一餐🧡
.
🌈珍珠奶茶
食台灣菜嘅重點一定係珍奶🤣佢哋嘅珍奶幾有茶香奶香並重，感覺正宗👍🏽
.
🌈蜂蜜綠茶+珍珠
手搖嘅蜂蜜綠茶甜度適中，清新解渴，加埋最愛嘅珍珠，大大杯啱晒大熱天氣飲🫶🏽
.
值得一讚小店嘅服務非常親切，感受到同台灣一樣濃厚嘅人情味🧡
Post
