Video
Read full review
2017-09-09
972 views
就嚟要同班朋友一齊去旅行啦，就約咗出嚟一邊食野一邊傾下行程，我哋成班都住喺九龍城附近，所以就直接喺呢度搵返最出名嘅泰國菜食啦。今次去咗倪姐泰國美食，雖然個名唔同左，但係我見到都係原班人馬，信心嘅保證。牛肉生菜包＄65炒得有鑊氣，而且夠乾身，食起上嚟除咗有酸酸立立嘅刺激感之外，仲加左好多泰式嘅香料，識落仲有一份麻嘅感覺，牛肉炒得啱啱好夠鮮嫩。生蝦＄98份量都OK ,而且有兩隻醬汁揀，有酸酸甜甜，亦都有辣嘅。生蝦夠新鮮，唔會乾爭爭，配蒜蓉食會刺激啲味蕾好過癮。芝士炸蝦丸＄75有五粒勁大粒嘅炸蝦丸，一咬落去好似平時芝士丸咁樣，有好濃嘅芝士味道，但係又有蝦丸炸得香脆嘅口感，裏面嘅芝士比較液體狀，但係未到唔俾普通拉絲嘅芝士差。咖喱炒蟹＄180超大隻，炒得啱啱好，裏面嘅肉仲係非常新鮮，有冇過路，勁多咖喱汁，多到可以食兩碗飯。大蝦冬陰公＄158冬陰公嘅味道偏奶多少少，唔算好辣，啱返香港人嘅口味，裏面仲有兩隻好大嘅蝦，蝦膏嘅味道深左入冬陰公入面。馬拉盞炒通菜＄58夠大碟，分量足夠四個人share，炒得夠獲氣，每條菜都均勻咁樣沾上馬拉盞嘅味道。鮮蝦炒金邊粉$65上面個雞蛋網好靚好好睇，色香味俱全，金邊粉
今次去咗倪姐泰國美食，雖然個名唔同左，但係我見到都係原班人馬，信心嘅保證。
牛肉生菜包＄65
炒得有鑊氣，而且夠乾身，食起上嚟除咗有酸酸立立嘅刺激感之外，仲加左好多泰式嘅香料，識落仲有一份麻嘅感覺，牛肉炒得啱啱好夠鮮嫩。
生蝦＄98
份量都OK ,而且有兩隻醬汁揀，有酸酸甜甜，亦都有辣嘅。生蝦夠新鮮，唔會乾爭爭，配蒜蓉食會刺激啲味蕾好過癮。
芝士炸蝦丸＄75
有五粒勁大粒嘅炸蝦丸，一咬落去好似平時芝士丸咁樣，有好濃嘅芝士味道，但係又有蝦丸炸得香脆嘅口感，裏面嘅芝士比較液體狀，但係未到唔俾普通拉絲嘅芝士差。
咖喱炒蟹＄180
超大隻，炒得啱啱好，裏面嘅肉仲係非常新鮮，有冇過路，勁多咖喱汁，多到可以食兩碗飯。
大蝦冬陰公＄158
冬陰公嘅味道偏奶多少少，唔算好辣，啱返香港人嘅口味，裏面仲有兩隻好大嘅蝦，蝦膏嘅味道深左入冬陰公入面。
馬拉盞炒通菜＄58
夠大碟，分量足夠四個人share，炒得夠獲氣，每條菜都均勻咁樣沾上馬拉盞嘅味道。
鮮蝦炒金邊粉$65
上面個雞蛋網好靚好好睇，色香味俱全，金邊粉煙煙銀銀，配上番茄汁，開胃又惹味。
三個人食咗＄850 ,每位都唔使＄300 ,食到可以打包走。
Post
