奈良上釜 (Closed)

尋日下午見到另一個app9:30有優惠，於是下午book定枱，練完跑同老婆就過去試試。晚上我早左15分鐘左右到，店員都好易話為就比我入去先坐，登龍街鋪位唔使多講都係窄長形式，店鋪大概得8-10枱左右，由於比較夜都有兩三枱空枱。一入鋪頭店員都有簡單介紹memu同折扣優惠，沖左兩杯茶比我慢慢睇住memu等老婆。老婆坐低就開始點菜，佢點左蟹釜飯而我就點左銀雪魚飯，另外我地再加個野菜天婦羅同芥末墨魚。等左十分鐘到，一開始先比前菜茶碗蒸同個湯我地。茶碗幾好食，上面料都好足，另外配三文魚䰵好搭。另外我個湯由於擺到食左半碗飯先飲凍左就不評論。至於野菜天婦羅脆口之餘炸漿都唔太厚，不過份量上兩個人share食會比較好。芥末墨魚🦑就唔係我口味，不過老婆都芥末味唔係好夠多，但都唔錯。最後當然係釜飯，賣相好好又夠熱，而且份量仲好足，我最後係食唔晒，銀雪魚亦都好夠滑，不過有細骨，食果時都要揀一揀但唔太多。不過釜飯有樣唔好係飯比較濕，變左鍋邊嘅焦都唔多，同埋配料嘅菇都無乜味，有d扣分。反而老婆蟹釜飯比較好食，佢果個反而飯粒比較乾身做到飯焦，但佢又話佢果個比較乾，真係人夾人整體鋪頭環境舒適，當晚佢地有同事生日都有慶