夢の丼 (Closed)

西環其實有唔少日本餐廳，居酒屋、拉麵店、壽司店。而丼飯專門店就一定係夢之丼喇！由土瓜灣打出名堂，嚟到港島，有番間大大嘅分店！室內亦非常寬敞，仲可以見到師傅準備食物。午餐早食仲有八折！所有丼飯都係定食，會有沙律同麵豉湯。我地先叫咗本店嘅夢之丼。湯入面有唔同嘅蔬菜，例如大根、紅蘿蔔，清甜好喝。夢之丼包括嘅魚生十分豐富，有牡丹蝦、珍寶帶子、三文魚子、三文魚蓉、松葉蟹肉、拖羅蓉等等。最想推介嘅就係珍寶帶子。師傅話先要配合右上角嘅香橙柚子酸汁。先飲一啖酸汁，再食帶子，又可以將帶子沾落酸汁，更覺清新鮮甜。而且珍寶帶子真係好大隻！一番拖羅丼有醬油漬玉子、醬油漬赤身、拖羅蓉、大拖羅、同炙燒拖羅。玉子係半熟糖心，十分軟糯。不過醬油味道較重，建議拌飯吃更佳。大拖羅見到粉紅好此，固然好食，油脂含量超高，空口食好快膩，不過好滿足！而拖羅蓉因有加入蔥粒就比較有口感而且無咁膩，仲更帶出其鮮甜！大拖羅同拖羅蓉同樣拌飯為妙。醬油漬赤身最為受我擁愛！肉質嫩滑唔鞋，十分軟熟！漬得入味，都係送飯嘅佳品！結果雖然丼飯好大份量，但因為丼嘅魚生剌身關係，我地都食曬咁濟㗎！燒白鱔白鱔燒得油脂融化，而令串燒都充滿鱔嘅油香，肉質又鬆化