Video
Read full review
2019-02-19
103 views
成日沒食過野超級肚餓，中午食左小小野頂左肚，但想平平地同M先生兩個人撐下檯腳，見到呢間食粉好多人，我地就去試下，咁岩有位都唔需要等。而且聽店員講瀨粉係每日新鮮製造，咁更加值得一試。酸辣鮮製瀨粉 (HKD 26)配菜；肥牛 (HKD 8) + 柱侯牛筋 (HKD 10) + 牛腩 (HKD 10) + 豬潤 (HKD 10) + 貢丸 (HKD 6) + 片頭 (HKD 6) + 韭菜 (HKD 5) + 生菜 (HKD 5)同M先生兩份share一碗真係好夠食，酸辣湯底唔會超重口味，酸酸辣辣得黎唔會遮左其他食材既味道。而且牛筋、牛腩加10蚊但份量好多，而且兩者都好林身，如果牛筋分小件D就仲容易食，好入味！雖然牛腩都唔係崩沙牛腩，但意外地發現牛腩肉質中間有少許脂肪，都幾靚，食落又好味，份量又多，超級抵食！肥牛都唔係話差野，食落都幾有牛味。至於韭菜食落竟然幾甜，又香口，食完亦都冇話成口韭菜味。豬潤亦係出色位，食落少少肝既感覺，好有食膏既味道，一D都唔韌唔鞋，以前M先生帶我食某間好出名豬潤麵，真心唔好食，呢次反而喜出望外，豬潤好食都係好難得。至於貢丸、片頭都不錯，冇乜雪藏味，成碗麵都係大件夾
成日沒食過野超級肚餓，中午食左小小野頂左肚，但想平平地同M先生兩個人撐下檯腳，見到呢間食粉好多人，我地就去試下，咁岩有位都唔需要等。而且聽店員講瀨粉係每日新鮮製造，咁更加值得一試。
酸辣鮮製瀨粉 (HKD 26)配菜；肥牛 (HKD 8) + 柱侯牛筋 (HKD 10) + 牛腩 (HKD 10) + 豬潤 (HKD 10) + 貢丸 (HKD 6) + 片頭 (HKD 6) + 韭菜 (HKD 5) + 生菜 (HKD 5)
同M先生兩份share一碗真係好夠食，酸辣湯底唔會超重口味，酸酸辣辣得黎唔會遮左其他食材既味道。
而且牛筋、牛腩加10蚊但份量好多，而且兩者都好林身，如果牛筋分小件D就仲容易食，好入味！
雖然牛腩都唔係崩沙牛腩，但意外地發現牛腩肉質中間有少許脂肪，都幾靚，食落又好味，份量又多，超級抵食！肥牛都唔係話差野，食落都幾有牛味。
至於韭菜食落竟然幾甜，又香口，食完亦都冇話成口韭菜味。
豬潤亦係出色位，食落少少肝既感覺，好有食膏既味道，一D都唔韌唔鞋，以前M先生帶我食某間好出名豬潤麵，真心唔好食，呢次反而喜出望外，豬潤好食都係好難得。
至於貢丸、片頭都不錯，冇乜雪藏味，成碗麵都係大件夾抵食，好正。
酥炸魚餅 (HKD 28)魚餅炸過，但唔會好油膩，好有味，而且都幾彈牙有咬口，肉又厚，食幾件都夠哂飽。
酥炸雞翼 (HKD 28)雞翼反而冇醃太多，但外層炸得超香脆，但雞翼唔會乾爭爭，仲係好juicy，食到舔哂脷，M先生大讚好食，偷偷地食左3隻雞翼。
凍檸茶 (HKD 9)好少地方會比4片檸檬，已經檸檬味道好新鮮，茶味恰到好處，一D都唔澀，唔算好甜，呢到已經加哂分。
Post
