銘興山西刀削麵 (大同新邨) (Moved) New Location

之前多數都叫花雕醉雞刀削麵，今次就試吓口水雞刀削麵。今日嚟到係外賣自取，估唔到落完單唔使10分鐘就有得攞。叫咗個口水雞刀削麵，再加一杯凍檸茶，外賣有九折，總共係$57。刀削麵麵粉有少少彈性，配埋個湯清清地，幾好食。重點係個雞，之前叫佢花雕雞都係大大碟，今次叫口水雞都唔例外，一樣係大大碟，一個人未必食得晒。個人覺得口水雞嘅味道，唔算太好食，好似唔係太辣，味道一般，都係花雕醉雞好食d。凍檸茶正正常常，啲茶唔會澀，檸檬都幾多。