光榮冰室 (兆和街)

Open Now

Now Closed

一個星期六的下午，大約2點左右，應該都算過咗午餐時間呱，到達時餐廳大約坐咗三分一既位置左右，所以入去時姐姐都好友善俾我一個人坐一邊卡位。老實講，之前有光顧過幾次九龍灣分店，食物質素都比較一般，所以本身都冇抱有任何希望，只係諗住求其食份常餐類就飽飽咁去做野，於是乎就order咗一份全日特餐 - 招牌香煎雞扒湯意粉、牛乳炒滑蛋、丹麥多士、凍檸茶少甜。不過本身見到有得轉 丹麥多士又加返咗少少分，而且黎到係暖笠笠既丹麥多士，唔算好多層次既麵包，但係絕對比起overcook既好得多，蛋係濃濃既唔算好滑，意粉超級大碗，雞扒亦超級大塊，味道亦屬於合格水平，其實咁樣就已經好好啦。