酷廚 (Closed)

特登黎荔枝角行年宵市場，食飯時間就黎二期呢間KOOL酷廚。呢度有晚市套餐，無收加一架！今晚揀左個酷廚凱撒沙律（$58），加$20有埋煙三文魚。個份量真係超大，黎到嚇左一條。羅馬菜超爽脆，加上麵包粒仲有少許芝士，食完已經飽左一半。餐湯有蘑菇忌廉湯。幾濃郁幾結身架。主菜揀左法式羊架（$207），要左侍應推介既七成熟。有三支骨。味道唔會好騷。肉都幾多，而且部位都係脂肪部位附近，肉質特別軟嫩。餐飲可以揀咖啡、檸茶、檸水、柚子蜜、紅棗茶。我就揀左熱紅棗茶行氣活血一下。餐飲係食完主菜先上既，所以如果大家想食住飲，就要提早揚聲喇。紅棗茶係好似柚子蜜咁畢兩羹加水果款，味道唔會好甜啊。呢度座位幾多，更有包房可以開party，今日就見到有人切蛋糕喇。