茶舍 (北帝街)

Open Now

Now Closed

有時想簡簡單單食一餐，茶餐廳絕對係老公嘅心水，貪佢夠大份，而且選擇又較多，最重要嘅係佢嘅香港風情真係買少見少。今日嚟到土瓜灣呢一間大有少少西式fusion嘅茶記菠蘿鮮茄芝士焗豬扒飯茶餐廳嘅焗飯真係世一，大大塊豬扒，鮮茄味道好足夠，酸酸甜甜，底部嘅飯更加係炒飯底添，攪拌嘅時候仲有少少拉絲效果。吉列豬扒咖喱滑蛋包飯滑蛋旋風式地蓋上飯面，食落好香滑，豬扒炸得好香脆，襯上港式咖喱更別有一番風味。夜晚可以升級套餐，加$28就有餐湯、沙律同埋蛋糕。餐廳固定嘅龍蝦餐湯水準都唔錯，味道香燶，另外套餐只係需要加$18就有一杯鮮草莓沙冰特飲！飲落去非常有果香，碎冰好幼細，而普通熱飲就免費嘅！最後嘅甜品，中規中矩，個人比較喜歡朱古力味。