A Little Bit Restaurant (Closed)

聽朋友講話大埔開左間All Day Breakfast鋪，都幾好食，於是去試下。餐廳喺太和邨對面，成條食街最尾尾，都幾難搵，不過餐廳門口佈置的好靚，感覺D野會幾好食。可能早去到唔駛等位，叫左兩份All Day Breakfast，個炒蛋最好食，炒得好滑，煙肉，漢堡扒都係例牌野，不過不失。要讚佢個生果粒拼盤，用火龍果個外殼裝住，火龍果粒，菠蘿粒，奇異果粒咁，賣相唔錯，生果都新鮮。需然份餐幾足料夠大份，乜都有D，但價錢偏貴而且重要加一，兩個人埋單要二百幾蚊，不過難得一餐食下英式風味，當俾錢食個氣氛。