Video
Read full review
2024-06-20
24 views
今日黎到九龍城一間比較隱世既樓上舖----「大邊爐」，舖面除左大大個招牌之外就無顯眼既餐單，我同幾個朋友上去試試佢！平日晚上到果陣都有d人氣，一坐低店員就好快將各種醬料遞上，呢個既醬料比較特別既係有泰式沙嗲醬！溝埋火鍋豉油別有一番風味！為左消暑，今次叫左個冬瓜瑤柱湯底，簡單得黎又好足料！切碎既冬瓜加上大量粒粒瑤柱(係原粒並非碎碎)正呀！食材方面呢到都有幾多自創配搭，例如今次就叫左蝦滑釀魚肚同莧菜帶子餃，都係好特別未食過既組合！呢到既蝦滑釀魚肚精髓係個魚肚到，鬆軟得黎有內外既質感，唔似得某d好似豬皮既魚肚，而呢隻魚肚入口之後真係黏口既！可以話係又吸汁好味又養顏，值得一試！至於莧菜帶子餃就會係每隻餃子裡面包住左半隻帶子，除左菜肉既鹹鮮味仲食到海既鮮味，非常清新！今次另外都叫左一個特別配搭陳皮牛肉滑，一塊餅既上面配搭住粒粒蔥花以及馬蹄粒，碌熟之後食落彈牙唔痴牙，口感同魚滑有得揮而肉味十足！由於呢到用既都係高級食材，所以個價位偏貴少少，但係今次趁住餐廳20周年大優惠，每晚9點後入座都會有半價優惠，可以話係性價比十足呀！
平日晚上到果陣都有d人氣，一坐低店員就好快將各種醬料遞上，呢個既醬料比較特別既係有泰式沙嗲醬！溝埋火鍋豉油別有一番風味！為左消暑，今次叫左個冬瓜瑤柱湯底，簡單得黎又好足料！切碎既冬瓜加上大量粒粒瑤柱(係原粒並非碎碎)正呀！
食材方面呢到都有幾多自創配搭，例如今次就叫左蝦滑釀魚肚同莧菜帶子餃，都係好特別未食過既組合！呢到既蝦滑釀魚肚精髓係個魚肚到，鬆軟得黎有內外既質感，唔似得某d好似豬皮既魚肚，而呢隻魚肚入口之後真係黏口既！可以話係又吸汁好味又養顏，值得一試！至於莧菜帶子餃就會係每隻餃子裡面包住左半隻帶子，除左菜肉既鹹鮮味仲食到海既鮮味，非常清新！
今次另外都叫左一個特別配搭陳皮牛肉滑，一塊餅既上面配搭住粒粒蔥花以及馬蹄粒，碌熟之後食落彈牙唔痴牙，口感同魚滑有得揮而肉味十足！
由於呢到用既都係高級食材，所以個價位偏貴少少，但係今次趁住餐廳20周年大優惠，每晚9點後入座都會有半價優惠，可以話係性價比十足呀！
Post
