大榮華圍村菜 (Closed)

今日嚟咗大榮華酒樓飲，雖然區內酒樓其實都唔少，但有時想食比較傳統口味的時候，都會過嚟食。依度Ｄ點心係走傳統風，有豬潤燒賣呀果Ｄ，而家份量用料都比較紥實，唔會鬼鬼馬馬咁，所以總係有佢嘅捧場客。佢地午市成日都幾旺，比較唔好嘅就係人少嚟就要搭檯。今日一個人嚟，食唔哂一個飯，竟然就想整個大包試下。我不嬲都幾中意大包，但依樣野唔係度度酒樓都有供應。依度嘅大包同佢地其他包一樣，個皮係比較紥實，唔會輕飄飄。用料其實有Ｄ似雞包仔，但有更多雞件，同埋鵪鶉蛋！好多料蒸埋一齊就好鮮味，成個包份量十足，一個人差Ｄ都食唔哂！