Video
Read full review
2021-06-08
2880 views
十二味都終於開到嚟大圍啦！之前喺其他區食過，覺得佢川菜嘅質素都好唔錯，相信食過嘅朋友就知道，佢令到大圍有多一個食好西既選擇啦佢嘅位置就係將大圍A出口對開，佢嘅位置非常易去，其實亦都係位於搵食市集嘅樓上，不過由於佢係位於2樓嘅位置，所以一定要行樓梯上去，如果行動不便嘅朋友，可能相對冇咁方便2樓呢個位置都幾闊落，每枱之間都有一定嘅寬度，有部份係卡座位置，雖然裝修普通，但係環境夠曬光猛，地方都幾整潔除咗環境整潔，餐具都唔錯，餐廳有清水提供，如果要落單，就可以自行掃QR code落單，呢個落單模式，都係大勢所趨了掃完QR code之後，落單程式就會自動彈出，每樣菜式都有圖片參考，價錢亦都有表明，如果以川菜來講，佢價錢其實唔算貴，不過如果以整體來講，位於大圍區來講，價錢可能就比較中上首先要推介俾大家嘅有呢個，佢係 焗煸肥腸，如果鍾意食川菜嘅朋友，特別係麻辣嘅菜式，大家一睇就知道呢個肥腸一定係正嘢，因為除咗佢色香味俱全，大量嘅乾辣椒及麻辣，佢豬腸嘅數量亦都非常多而肥腸亦都煮得非常吸引，口感一流，大部份嘅肥腸，外層都係炸到勁脆口，乾身得來，但係亦都有少少肉汁，重點係非常香口，而且份量非常多，絕對令你
佢嘅位置就係將大圍A出口對開，佢嘅位置非常易去，其實亦都係位於搵食市集嘅樓上，不過由於佢係位於2樓嘅位置，所以一定要行樓梯上去，如果行動不便嘅朋友，可能相對冇咁方便
2樓呢個位置都幾闊落，每枱之間都有一定嘅寬度，有部份係卡座位置，雖然裝修普通，但係環境夠曬光猛，地方都幾整潔
除咗環境整潔，餐具都唔錯，餐廳有清水提供，如果要落單，就可以自行掃QR code落單，呢個落單模式，都係大勢所趨了
掃完QR code之後，落單程式就會自動彈出，每樣菜式都有圖片參考，價錢亦都有表明，如果以川菜來講，佢價錢其實唔算貴，不過如果以整體來講，位於大圍區來講，價錢可能就比較中上
77 views
0 likes
0 comments
首先要推介俾大家嘅有呢個，佢係 焗煸肥腸，如果鍾意食川菜嘅朋友，特別係麻辣嘅菜式，大家一睇就知道呢個肥腸一定係正嘢，因為除咗佢色香味俱全，大量嘅乾辣椒及麻辣，佢豬腸嘅數量亦都非常多
64 views
0 likes
0 comments
而肥腸亦都煮得非常吸引，口感一流，大部份嘅肥腸，外層都係炸到勁脆口，乾身得來，但係亦都有少少肉汁，重點係非常香口，而且份量非常多，絕對令你有驚喜！
40 views
0 likes
0 comments
雖然我哋大部份嘅菜式都叫小辣，不過食一啲唔辣嘅菜式都比較好，所以我哋揀咗呢個黯然銷魂炒飯，本身都知道佢同我講港式一般嘅黯然銷魂飯係有分別，起碼唔會有叉燒粒，以為一定冇咁好食，但係原來都唔錯喎，因為佢炒得幾有鑊氣，感覺有少少似我哋平時食嘅鹹魚雞粒炒飯
29 views
0 likes
0 comments
而且每粒飯都非常分明，炒得乾身之餘，整體嘅味道都唔會太濃，配合埋其他菜式一齊食，例如頭先嘅肥腸，真係非常適合
19 views
0 likes
0 comments
另一個介紹嘅菜式係武隆尖椒雞，呢個雞嘅味道相對就比較辣，就算我叫咗小辣，佢辣嘅味道都非常突出，如果比較鍾意食辣嘅朋友，就一定要叫佢了
佢啲雞粒唔係冇骨，所以食起嚟，相對唔係啖啖肉，不過佢整體嘅份量都幾多，如果鍾意香口嘅，一定要叫佢啦
15 views
0 likes
0 comments
最後一個菜式，當然亦都係呢度嘅招牌菜之一，佢就係酸菜魚，大家見到佢嘅賣相係咪都已經好吸引呢，雖然佢差唔多$300嘅價錢，但係佢嘅份量確實係非常多，非常大碗㗎
17 views
0 likes
0 comments
佢入面所用嘅魚，非常白滑，有少少似龍利柳，基本上都係冇骨嘅，而且食起嚟，口感非常好，除咗滑，酸菜嘅味道完全滲透喺件魚塊入面，由於我同朋友都唔係好食得辣，所以就算我哋叫小辣，味道依然咁正，啱晒一啲唔食得辣嘅朋友
13 views
0 likes
0 comments
整體來講，今晚呢個川菜晚餐，非常出色，我同朋友都好滿意，喺大圍區來講，真係可以多一個選擇，同時，一家大細，甚至乎三五知己，呢間餐廳都啱，大家見到佢嘅菜式都係色香味俱全，如果嚟到大圍又想食川菜嘅話，大家都可以考慮吓佢㗎
Post
