睿居酒屋 (Closed)

之前病左無乜胃口，而家好翻食慾返晒黎，今日我決定要食好野，老公話朋友介紹大坑有間居酒屋食物質素好好，咁我地就一於去品嚐日式菜。居酒屋由天后站行去好快就到，門口掛招牌燈牌低調而搶眼，打開門先見到日式的小庭園流水，予人一種恬靜感覺，十分放鬆。餐廳面積不大，約可座20人左右，但一點都不會有壓迫感。店內佈置都以簡約黑白色為主。我看見餐牌款式從助小食~刺身~壽司~串燒~鍋物~鐵板燒都有，種類非常豐富，花多眼亂，老公見我拿不定主意便由佢發板。枝豆 $20餐廳會送上枝豆作前菜，醬汁煮過的枝豆微溫又有醬油味，好好食。鱈魚魚干 $68驟眼看和平日吃的魚干好似，怎知一入口真係非常驚喜，口感非常脆就好似吃薄脆一樣，和賣相不相乎，烤得好好食，沾上蛋黃醬來吃更是另一感受，送酒一流。胡麻醬燒黑豚肉沙律 $168份量好足，黑豚肉又薄又脆，配新鮮沙律同吃會慢慢滲出肉味，胡麻醬酸酸甜甜好醒胃，再加上惹味的黑胡椒，令人越食越想吃，一點膩的感覺都沒有。蟹肉蟹膏軍艦 $40蟹肉的份量十分多，滿滿的填滿軍艦的表面，蟹肉和蟹膏拌混令每口蟹肉都沾滿蟹膏，一入口便一引香濃的蟹膏味，咬下會慢慢感受到蟹內的鮮味，愛吃蟹的我把老公的一份