果子｜海南雞飯·喇沙摻摻 (啟昌樓) (Closed)

話說呢期我間唔時都會經開大埔，發現原來都有唔少隱世正野餐廳，呢間果子嘅蟹醬海鮮火山包真係超級好味，其他野食都各有特色，重點價錢幾抵😆❀無骨海南雞❀海南雞肥瘦適中，雞肉嫩滑，帶有啫喱狀雞油，點少少薑蓉食都好有鮮味，油飯有少少乾身，不過勝在夠香口唔油膩。❀海鮮喇沙摻摻❀有蝦、蜆、魚蛋、蛋、魚片、豆卜等，用料豐富，如果蝦可以搣埋殼就更好，湯底濃郁又鮮味，幾有椰香味，米粉同油麵摻摻幾掛汁。❀辣蟹醬火山包❀農夫包份量十足，外層炸到脆脆地，淋上蟹醬食超級惹味，軟殼蟹見到有膏，炸到金黃香脆，面頭仲有蝦、青口+蜆，唔錯。❀馬來西亞肉骨茶❀帶骨豬肉經過熬煮後變到軟諗入味，呢款肉骨茶味道偏向藥材味，食完覺得好補身又暖笠笠。❀檸檬薏米水及美祿恐龍❀檸檬薏米水唔太甜，可以去水腫😣美祿恐龍鋪滿厚厚美祿粉，超邪惡。